“Lokomotiv” Minskda so‘nggi mashg‘ulotini o‘tkazdi

Poytaxtimizning “Lokomotiv” jamoasi ayni damda Belorussiya poytaxti Minsk shahrida yig‘in o‘tkazayotganini bilasiz. 

11 iyul sanasida yig‘inni boshlagan “Temiryo‘lchilar” kecha mazkur yig‘in doirasidagi so‘nggi nazorat uchrashuvini o‘tkazishdi. Unda “Loko” 3:0 hisobida “Slutsk”dan ustun keldi. 

Bugun esa “Lokomotiv” futbolchilari kechagi o‘yindan keyingi tiklanish mashg‘ulotini o‘tkazishdi. Mashg‘ulot jarayoni trenajyor zalida olib borildi va murabbiylar shtabi futbolchilarga turli yuklamalar berishdi.