London klublari Ferran Torres uchun kurashishi mumkin
«Тоттенҳэм» «Барселона» ҳужумчиси Ферран Торресга жиддий қизиқиш билдирмоқда. Бу қарор клуб «Борнмут» форварди Эли Крупини олиш бўйича рад жавоб олганидан кейин қабул қилингани ҳақида Sport.es хабар берди.
Манба маълумотига кўра, Ферран Торрес учун курашда «Арсенал» ҳам фаоллашган. Лондон клуби «Реал Мадрид» вингери Винисиус Жуниорни олиб келиш бўйича музокараларда кутилган натижага эришолмаган. Шунингдек, «Атлетико Мадрид» ҳужумчиси Хулиан Альварес трансфери ҳам амалга ошиши қийин вариант сифатида баҳоланмоқда.
Шу билан бирга, «Барселона» ҳали ҳам Торрес билан шартномани узайтириш тарафдори экани таъкидланмоқда. Футболчининг келажаги эса, аввало, унинг шахсий қароридан келиб чиқади.
Ўтган мавсумда Ферран Торрес барча мусобақалар доирасида 49 ўйинда майдонга тушиб, 21 та гол урди ва 3 та голли узатма берди. Унинг амалдаги шартномаси 2027 йил ёзигача мўлжалланган. Transfermarkt портали маълумотларига кўра, футболчининг бозор қиймати 50 миллион евро атрофида баҳоланмоқда.
«Барселона» — нега оддий клубдан кўра кўпроқ:
Fikrlar