Lui van Gal "Benfika"da ish boshlashi mumkin

Yaqindagina Ruya Vitoriyani iste’foga chiqargan "Benfika" uning o‘rniga Lui van Galni olib kelishi mumkin. Bu haqda A Bola nashri xabar bermoqda.

Yuqoridagi manbaaga ko‘ra lissabonliklar 67 yoshli gollandiyalik mutaxassisning xizmatlariga jiddiy qiziqish bildira boshlashgan. Eslatib o‘tamiz, van Galning so‘nggi ish joyi “Manchester Yunayted” klubi bo‘lgan edi.

Bundan avvalroq “Benfika” Joze Mourinoga taklif bilan chiqqani va rad javobi olgani haqida xabarlar tarqalgan edi.