"Manchester Siti" Enzo Fernandez uchun "Chelsi" so‘ragan pulni to‘lamaydi

«Manchester Siti» va Enzo Fernandez bo‘yicha kelishuv moliyaviy masalada to‘xtadi. «Chelsi» yarim himoyachisi Enzo Fernandez katta ehtimol bilan London klubida qoladi. «Manchester Siti» argentinalik futbolchini yozgi transferlar uchun asosiy nomzodlardan biri sifatida ko‘rib chiqqan bo‘lsa-da, tomonlar o‘zaro moliyaviy shartlar bo‘yicha kelisha olmadi.

TEAMtalk nashri ma’lumoticha, «Manchester Siti» 25 yoshli futbolchi uchun 140 million yevro to‘lash niyatida emas. Klub o‘z oldiga ancha pastroq moliyaviy chegara qo‘ygan va yaqinda Elliot Anderson uchun sarflagan taxminan 135 million yevrodan yuqoriga chiqishni istamayapti.

Ma’lumotlarga ko‘ra, Enzo Fernandezning o‘zi «Manchester Siti»ga o‘tishga qiziqmoqda. U yerda u yana Enzo Mareska qo‘l ostida ishlash imkoniyatiga ega bo‘lishi mumkin edi. Ammo «Chelsi» belgilagan yuqori transfer narxi hozircha asosiy to‘siq bo‘lib qolmoqda.