"Marsel" o‘z rekordchisi bilan shartnomani uzaytirdi

"Marsel" darvozaboni Stiv Mandanda bilan amaldagi shartnomani uzaytirdi. Bu haqda klub rasmiy sayti xabar tarqatmoqda.

Unga ko‘ra, 35 yoshli posbonning marselliklar bilan yangi shartnomasi 2024 yilga qadar imzolangan.

Mandanda "Marsel" tarixida eng ko‘p o‘yin o‘tkazgan futbolchi hisoblanadi. U 549 ta o‘yinda ishtirok etgan va o‘z darvozasidan 600 ta gol o‘tkazib yuborgan. 181 ta o‘yinda esa o‘z darvozasi daxlsizligini saqlab qolgan.