Marselo "Real"da qolish uchun bu ishni qilishga tayyor!

Madridning "Real" klubi himoyachisi Marselo jamoada qolishni istamoqda. Bu haqda Football Espana nashri xabar tarqatdi.

Yuqoridagi manbaga ko‘ra, 33 yoshli braziliyalik futbolchi "qirollik klubi"dagi hayotidan mamnun va klub bilan yangi shartnoma imzolash uchun maoshini kamaytirishga ham tayyor.

Qayd etilishicha, “Real” rahbariyati futbolchi bilan shartnomani uzaytirishni rejalashtirmagan, biroq uni ma’muriy lavozimga ishga olib o‘tilishi ham istisno etilmayapti.

Marseloning klub bilan shartnomasi joriy mavsum oxirida tugaydi. U bu mavsum bor yo‘g‘i 12 ta o‘yinda maydonga tushdi xolos.