Mashhur hakamlardan biri: Kuypers "Liverpul" darvozasiga penalti qo‘yishi kerak edi

Ispaniyalik mashhur hakam Xuan Anduxar Oliver kecha EChL yarim finalidan o‘rin olgan “Barselona” va “Liverpul” jamoalari uchrashuvini boshqargan Born Kuypers 15-daqiqada mersisaydliklar himoyachisi Joel Matip to‘pni qo‘li bilan o‘ynagani uchun penalti belgilamaganini aytdi.

“Penaltiga o‘xshadi. Chunki, ushbu vaziyatda himoyachining qo‘li tabiiy holatda emas edi”, - deydi Oliver.

Eslatib o‘tamiz, kechagi o‘yinda “Barselona” 3:0 hisobida g‘alaba qozondi. Ushbu jamoalarning javob o‘yini esa 7 may kuni “Enfild”da bo‘lib o‘tadi.