Mayk Tayson: Krouford Madrimov bilan jang qilmasligi kerak edi"

Afsonaviy bokschi Mayk Tayson Terens Krouford va Saul Alvares o‘rtasidagi ehtimoliy jang haqida gapirdi.

"Men bu jangga qarshiman. Terens vaznini ortiq oshirmasligi kerak. Chunki oxirgi bor u Isroil Madrimov bilan bahsda ancha qiyinchilikka duch keldi", - dedi Tayson.

Eslatib o‘tamiz, Los-Anjelosda o‘tkazilgan boks oqshomida Terens Krouford hakamlarning yakdil qaroriga ko‘ra Isroil Madrimovni mag‘lub etgandi.