Mbappe, Vinisius, Xoland... - Dunyoning eng qimmat futbolchilari reytingi e’lon qilindi

“CIES Football Observatory” Xalqaro sport tadqiqotlari markazi dunyoning eng qimmat futbolchilari ro‘yxatini tuzib, ularning transfer qiymatini ma’lum qildi. Ro‘yxatda PSJ hujumchisi Kilian Mbappe etakchilik qilmoqda. Frantsiyalik futbolchi 205,6 million evroga baholangan.

2-o‘rindan "Real" vingeri Vinisius Junior joy oldi. Braziliyalikning narxi 185,3 million evro etib belgilangan. Kuchli uchlikni “Manchester Siti”ning yangi hujumchisi Erling Xoland yakunlab berdi. Uning narxi 152,6 million evroni tashkil qiladi.

“CIES Football Observatory” ma’lumotlariga ko‘ra dunyoning eng qimmat 10 nafar futbolchisi:
1. Kilian Mbappe (PSJ) – 205,6 (mln evro);
2. Vinisius Junior (“Real”) – 185,3;
3. Erling Xoland (“Manchester Siti”) – 152,6;
4. Pedri (“Barselona”) – 135,1;
5. Jud Bellingem (“Borussiya Dortmund”) – 133,7;
6. Fil Foden (“Manchester Siti”) – 124;
7. Frenki de Yong (“Barselona”) – 112,5;
8. Luis Dias (“Liverpul”) – 110;
9. Ruben Diash (“Manchester Siti”) – 109,6;
10. Ferran Torres (“Barselona”) – 109,5.