Mbappe “Oltin to‘p”ni olgan Messiga nima dedi?

PSJ hujumchisi Kilian Mbappe o‘zi bilan ikki mavsum davomida birga o‘ynagan Lionel Messi “Oltin to‘p”ni sakkizinchi marotaba qo‘lga kiritganidan keyin unga murojaat qildi.

Mbappening o‘zi bu tanlovda Lionel Messi va Erling Xolanddan keyin uchinchi o‘rinni egalladi.

- Messini bu sovrin bilan tabriklayman. Leo, sen bunga loyiqsan, - dedi Kilian Mbappe.

Argentinalik jahon chempioni faoliyati davomida sakkiz marotaba “Oltin to‘p” sohibiga aylandi. Bu ko‘rsatkich bo‘yicha Messi mutlaq etakchi hisoblanadi.