MDH o‘yinlari. Akademik eshkak eshish, kanoe va baydarkada eshkak eshish bahslarida bir necha medallarni qo‘lg kiritdik

Ozarbayjonda o‘tkazilayotgan III MDH o‘yinlarining akademik eshkak eshish, baydarka va kanoeda eshkak eshish sport turi bo‘yicha poygalarda sportchilarimiz 1 ta oltin, 2 ta kumush va 4 ta bronza medalini qo‘lga kiritishdi. 

Xususan sportchilarimiz Boburjon Muxiddinov va Jamalbek Turg‘unov juftligi 04:47,360 natija bilan oltin medalni qo‘lga kiritishdi. 

Shuningdek, Ziyodbek Yo‘ldoshev o‘z ishtiroki davomida 03:55,22 natija ko‘rsatib kumush medalni qo‘lga kiritdi. Shoxrux Xasanov o‘z chiqishida 03:51,450, Davlatjon Hamdamov 04:03,700 natija bilan bronza medallariga ega chiqishdi. 

Bundan tashqari kanoeda eshkak eshish sport turida Muhammadaziz Aripov 01:57,860 natija ko‘rsatib bronza medalni, baydarkada eshkak eshish juftlik bahslarida Shohruh Xasanov va Nikita Reynvalt juftligi 01:36,990 natija bilan kumush medalni, baydarkada eshkak eshish bo‘yicha juftlik bahslarida Mark Sherbakov va Davlatjon Hamdamov juftligi 01:42,220 natija bilan bronza medalni terma jamoamiz hisobiga qo‘shib qo‘yishdi. 

Bu haqda O‘zbekiston Respublikasi Sport vazirligi xabar bermoqda.