Messining goli inobatga olinmagan uchrashuvda Argentina o‘z maydonida ochko yo‘qotdi

Qatar maydonlarida bo‘lib o‘tishi rejalashtirilgan 2022 yilgi jahon chempionatining Janubiy Amerika mintaqasidagi saralashi doirasidan o‘rin olgan Argentina - Paragvay uchrashuvi o‘z yakuniga etdi. Murosasiz kechgan uchrashuvda tomonlar 1:1 hisobidagi durang natijani qayd etishdi. 

Dastlab, mehmonlar Anxel Romeroning penaltidan kiritgan goli orqali hisobni ochdi. Birinchi bo‘lim yakuni arafasida Nikolas Gonsales burchak zarbasidan so‘ng, muvozanatni tikladi. 

Ikkinchi bo‘limda Lionel Messi tomonidan kiritilgan gol hujumdagi fol sabab inobatga olinmadi. 

Ushbu natijadan keyin, "albiselesta" 7 ochko bilan vaqtincha 1-pog‘onaga ko‘tarilib oldi. Paragvay esa 5 ochko bilan 4-o‘rindan joy olgan. 

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  Альмирон йўқ жойдан сариқ карточка ишлаб олди. 

• 90+'
  

  Парагвай таркибида Альмирон ўрнига Альдерете майдонга тушди. 

• 90+'
  

  Ўйиннинг асосий вақтига 5 дақиқа қўшиб берилди. 

• 88'

  

• 85'
  

  Парагвайда ўзгариш. Санабриа Анхель Ромерони алмаштирмоқда. Шунингдек, Хименес ўрнига Рохас ҳаракат қилади. 

• 83'
  

  Аргентина сафида Лаутаро ўрнига Домингес, Де Паул ўрнига эса Аларио майдонга тушди. 

• 82'

  Нико Гонсалес (Аргентина) жарима майдонига тўпни узатди. Аммо ҳимоячилар яна ишончли ҳаракат қилди. 

• 80'
  

  Бурчакдан узатилган тўпга Армани биринчи бўлиб чиқиб келди. 

• 79'
  

  Анхель Ромеронинг зарбасини Армани бир амаллаб қайтарди. 

• 78'
  

  Ариель Монтель (Аргентина) ҳам огоҳлантирилди. 

• 76'
  

  Ҳозиргина майдонга тушган Эрнан Перес сариқ карточка ишлаб олишга улгурди. 

• 74'
  

  Парагвай сафида Хорхе Морель ва Эрнан Перес майдонга тушмоқда. Улар Ролон ва Лескано ўрнида ҳаракат қилади. 

• 72'
  

  Мессининг жаримадан йўллаган қойилмақом зарбасини дарвозабон янада ажойиб сейв билан қайтарди. 

• 69'

  Лаутаро яна бир марта жарима майдони ичидан зарба беришга муваффақ бўлди. Аммо бесамар. 

• 66'
  

  Мартинеснинг жарима майдони марказидан берган зарбасини Парагвай посбони ажойиб сейв билан қайтариб қолди. 

• 63'

  Месси жарима майдончасига ён тарафдан ёриб кирмоқчи бўлди. Аммо тўп майдон чизиғини кесиб ўтди ва Парагвай дарвозабони уни ўйинга киритиб берадиган бўлди. 

• 61'
  

  Окампос ўрнига Ди Мария майдонга тушади. 

• 60'

  Ҳакам ВАРни кўргач голни бекор қилди. Ҳужумда фол ишлатилган. 

• 58'
  

  ГОООООООООООООЛЛЛЛЛЛЛЛЛЛЛЛЛЛЛЛЛЛ!!! Месси жамоасини ҳисобда олдинга олиб чиқди. Ло Челсо уни ўз вақтида тўп билан таъминлай олди. 

• 54'

  Парагвай жарима зарбасидан наф чиқара олмади. 

• 50'

  Лаутаронинг зарбаси ноаниқ кетди. Жарима майдончаси ичида тўпни қулай тарзда қабул қилиб олган ҳужумчи яхши имкониятни кўкка совурди. 

• 48'

  Мессининг жарима майдонига узатган тўпини ҳимоячилар қайтариб юборди. 

• 47'
  

  Анхель Кардосо (Парагвай) сариқ карточка ишлаб олди. 

• 46'
  

  Иккинчи тайм бошланди. 

• 45'

  

• 45'
  

  Биринчи тайм якунланди. Танаффус. 

• 45+'
  

  Биринчи таймга 3 дақиқа қўшиб берилди. 

• 45+'
  

  Де Паул (Аргентина) огоҳлантирилди. 

• 45'
  

  Мессининг бурчакдан узатган тўпини ҳимоячилар қайтарди. 

• 43'
  

  Месси яна бурчак зарбасини қисқа паслар билан ўйнаб кетди. 

• 41'
  

  ГООООООООООООЛЛЛЛЛЛЛЛЛЛЛЛЛЛЛЛ!!! Бурчакдан узатилган тўпни Николас Гонсалес дарвозага жойлаб, ҳисобни тенглаштирди. 

• 22'

  Ромеро пенальтидан гол урган вазият:

• 38'

  Мессининг жаримадан йўллаган зарбасини жонли девор қайтарди. 

• 36'

  Ариель-Монтель тўпга ташланиш ўрнига рақиб оёғига тегиниб кетди. Ҳакам ҳозирча оғзаки огоҳлантирди. 

• 32'

  Паласиос ўйинни давом эттира олмади. Унинг ўрнига Ло Челсо майдонга тушмоқда. 

• 31'

  Мессининг жаримадан йўллаган зарбаси ноаниқ кетди. 

• 31'

  Анхель Ромеро сариқ карточка ишлаб олишга ҳам улгурди. 

• 27'
  

  Паласиос (Аргентина) тиббий ёрдам олмоқда. 

• 26'

  Аргентина тўпни назорат қилиб турибди. Аммо вазиятлар яратилгани йўқ. 

• 22'
  

  ГОООООООООООООЛЛЛЛЛЛЛЛЛЛЛЛЛЛЛЛ!!! Анхель Ромеро пенальтини аниқ амалга оширди. 

• 20'

  Пенальти! Парагвай11 метрлик жарима зарбаси тепиш имконига эга бўлди. Аргентина футболчилари ҳакамга эътироз билдиришмоқда. Аммо қарор ўзгартирилмайди. 

• 18'
  

  Парагвай футболчиси офсайдда қолиб кетди. 

• 14'
  

  Месси бурчак тўпини ўйнаб кетишни маъқул кўрди. 

• 14'

  Лаутаронинг юришини парагвайликлар ўз вақтида тўхтатиб қолди. Бурчак зарбаси. 

• 11'

  Алмирон (Парагвай) жарима майдонига пас амалга оширди. Аммо Армани (Аргентина) тўпни ушлаб олди. 

• 10'

  Ариель-Монтель (Артентина) жарима майдонига узатма амалга оширди. Аммо ҳимоячилар осонлик билан бу тўпни қайтаришди. 

• 7'

  Гастон Хименес (Парагвай) яхши зарба йўллади. Бироқ унга бироз аниқлик етишмади. 

• 5'

  Жамоалар дастлабки дақиқаларни бир-бирларини ўрганишга сарфламоқда. 

• 2'
  

  Парагвай илк бурчак зарбасидани наф чиқара олмади. 

• 1'
  

  Ўйин бошланди. 

• 0'

  Парагвайнинг асосий таркиби:

  

• 0'

   

  Аргентина қуйидаги таркибда ўйинни бошлайди:

• 0'

  Ассалому алайкум, азиз футбол мухлислари. Аргентина ва Парагвай жамоалари ўртасидаги Конмебол саралаши якуний босқичининг 3-тури бошланиш арафасида. Ушбу ўйинни Абдулвосид Валихонов матнли трансляцияда эътиборингизга ҳавола этади.