Messining yangi shartnomasida Neymar haqidagi band bo‘lishi mumkin

"O‘ylaymanki, Messi va "Barselona" yangi kelishuvga erishishadi. O‘zaro shartnoma davom etishi uchun har ikki tarafni qoniqtiruvchi taklif berilishi kerak. Ammo men Messining "Barsa"dagi hikoyasi shu erda tugashiga ishonmayman. Messi allaqachon klubga o‘z talabini bildirib ulgurgan. U sobiq jamoadoshi Neymarning ortga qaytarilishini xohlamoqda. O‘z navbatida, Neymar ham Kataloniyaga qaytishni istayotganini o‘tgan yozda bildirib o‘tdi.

Jamoaning uni ortga qaytarish bo‘yicha olib borgan muzokaralari muvaffaqiyatsiz yakunlandi. Lekin bu yil barchasi o‘zgacha bo‘lishiga ishonmoqdaman", - dedi Ruzeud.

Ma’lumot uchun, Messining "ko‘k-anorranglilar" bilan amaldagi shartnomasi 2021 yilgacha mo‘ljallangan.