Miranchuk "Atalanta" bilan qancha muddatga bitim imzolagani ma’lum bo‘ldi

"Atalanta" va Aleksey Miranchuk o‘rtasidagi shartnoma bandlari ma’lum qilindi.

24 yoshli futbolchi italiyaliklar bilan 4+1 ko‘rinishidagi bitimga imzo chekkan.

Bu haqda, kelishuv paytida huquqiy yordam ko‘rsatgan SILA International Lawyers kompaniyasi advokatlari xabar berdi.

Avvalroq, "Atalanta" "Lokomotiv"ga transfer uchun 14,5 mln evro to‘lab berishi, futbolchi bilan 5 yillik shartnomaga ega bo‘lishi va unga yiliga 2 mln evro maosh to‘lashi haqida ma’lumotlar paydo bo‘lgandi.