"Monako" 10 mln evroga 18 yoshli serbiyalik himoyachini sotib oladi

Serbiyaning "Partizan" klubi himoyachisi Straxin Pavlovich faoliyatini "Monako"da davom ettiradigan bo‘ldi. Bu haqda monakoliklar rasmiy sayti xabar tarqatmoqda.

Yuqoridagi manbaaga ko‘ra 18 yoshli futbolchi yanardayoq “Monako” futbolchisiga aylanadi, ammo, mavsum oxirigacha ijara asosida o‘z jamoasida qoladi. Uning transferi esa 10 mln evroga tushishi aytilmoqda.

Ma’lumot uchun, Pavlovich “Partizan” klubi tarbiyalanuvchisi hisoblanadi. U o‘tgan davr ichida belgradliklar safida jami 45 ta o‘yinda maydonga tushdi va 1 ta gol hamda 2 ta golli uzatma yozdirib qo‘yishga erishdi.