Mourino "Benfika" bosh murabbiyi etib tayinlandi

"Benfika" rasman Joze Mourinoni jamoaning yangi bosh murabbiyi sifatida e’lon qildi. 62 yoshli mutaxassis ikki yillik shartnoma imzoladi.

Eslatib o‘tamiz, avgust oyi oxirida "Fenerbaxche" Mourinoni Chempionlar ligasi pley-off bosqichida aynan "Benfika"dan mag‘lubiyatga uchraganidan so‘ng lavozimidan bo‘shatgan edi (0:0, 0:1).

Joze 2000 yilda ham "Benfika"ni bir necha oy boshqargan. Shuningdek, u "Portu", "Chelsi", "Inter", "Real", "Manchester Yunayted", "Tottenxem" va "Roma" klublarida ham ishlagan.