Muhammad Saloh tarixiy rekord ostonasida turibdi

Chempionlar ligasida “Atalanta” darvozasini ishg‘ol qilgan Muhammad Saloh tarixiy natija oldida turibdi.

“Ko‘hna qit’a”ning eng nufuzli musobaqasidagi gollari sonini 21 taga etkazib olgan misrlik hujumchi bu borada rekordchi Stiven Jerard bilan tenglashib oldi.

Agar Muhammad Saloh bu turnirda yana bitta gol ursa, Chempionlar ligasida “Liverpul” uchun eng ko‘p gol urgan futbolchi sifatida tarixga kiradi. Hali asosiy o‘yinlar oldinda ekanini inobatga olib, misrlik forvardning rekord ko‘rsatkichni yanada oshirish imkoni borligini ham unutmaslik kerak.