"Nasaf" soʻnggi turda muxlislarini xursand qildi

Bugun Elit Osiyo Chempionlar ligasining so‘nggi tur bahslariga start berildi.

Turnirda yurtimiz sharafini himoya qilayotgan Qarshining "Nasaf" jamoasi Birlashgan Arab Amirliklarining "Sharja" klubi mehmoni bo‘ldi. Uchrashuvning 30-daqiqasida Bobir Abduxoliqov hisobni ochdi va "ajdarlar"ni oldinga olib chiqdi. 80-daqiqada raqiblar penaltiidan muvozanatni tikladi. Oradan 7 daqiqa o‘tib Diyorbek Abdunazarov super gol urib yana "Nasaf"ni hisobda oldinga olib chiqdi. Ushbu hisob o‘yin so‘ngiga qadar o‘zgarmadi va qarshiliklar g‘alaba qozonib, turnirni 4 ochko bilan yakunladi. Jamoa musobaqadagi dastlabki 6 o‘yinda mag‘lub bo‘lgan bo‘lsa, oxirgi ikki o‘yinda 1 durang va 1 g‘alabani qayd etdi.