“Navbahor”ga “Nasaf” raqobat qilishi mumkinmi?

6 – 8 mart kunlari Superligada 2-tur o‘yinlari o‘tkazildi. SPORTS.uz sayti an’anasiga sodiq holda tur muxlislariga oid ma’lumotlarni taqdim etdi.

Tur o‘yinlariga jami 52160 tomoshabin tashrif buyurdi. Bu bir uchrashuvga o‘rtacha 7451ni tashkil qiladi.

Eng ko‘p muxlis Namangandagi “Navbahor” – “Lokomotiv” bellashuvida qayd etildi - 25328.

“Navbahor”ga muxlislar tashrifi borasida “Nasaf” ishqibozlari biroz yaqinlashishgandek. Ammo oradagi farq baribir ancha katta.

E’tiborlisi, turning yana bir markaziy qarama-qarshiligi Jizzaxda o‘tdi. Ammo “So‘g‘diyona” – AGMK bahsini 2572 tomoshabin o‘yingohdan kuzatdi xolos.

Eng kam ishqibozlar doimgidek Toshkentda. “Bunyodkor” – “Mash’al” bellashuviga 1465 tomoshabin tashrif buyurdi.

Quyida 2-turda eng ko‘p muxlislar tashrif buyurgan o‘yinlar ketma-ketligi bilan tanishishingiz mumkin:

Navbahor – Lokomotiv 2:0. 25328 tomoshabin.

Nasaf – Andijon 2:1. 8473 tomoshabin.

Paxtakor – Buxoro 3:0. 6743 tomoshabin.

Metallurg – Qo‘qon-1912 1:0. 5221 tomoshabin.

So‘g‘diyona – AGMK 1:1. 2572 tomoshabin.

Qizilqum – Surxon 1:2. 2358 tomoshabin.

Bunyodkor – Mash’al 1:0. 1465 tomoshabin.