"Neftchi" 6 nafar o‘yinchini ro‘yxatdan o‘tkazdi, ulardan 3 nafar legionerlar!

Farg‘onaning “Neftchi” klubi ham yozgi selektsiyadan foydalanib 6 nafar o‘yinchini O‘zPFL ro‘yxatidan o‘tkazishga muvaffaq bo‘ldi.

Bungacha Salamat Quttiboev hamda Fozil Musaevning farg‘onaliklar bilan kelishuvga erishgani xususida xabar bergandik.

Shuningdek, yana uch nafar legioner – Evgeniy Konyuxov, Andrey Mishenko hamda Oleksey Larin ham rasman “Neftchi” a’zosiga aylandilar. Qolaversa, “Sho‘rtan”dan Nodir Ne’matxonov ham “Neftchi”ga ko‘chib o‘tdi. Barcha o‘yinchilar erkin agent maqomi ostida mavsum oxiriga qadar shartnomaga imzo chekdilar. Bu borada O‘zPFL matbuot xizmati ma’lum qildi.