O‘zbekiston beshta oltin medalni qo‘lga kiritdi va 2026 yildgi Osiyo o‘yinlarida Qozog‘istonni ortda qoldirishi mumkin
- Zohir Toshxo'jayev
- Izohlar: 0
- Osiyo O'yinlar
O‘zbekiston terma jamoasi Aichi va Nagoyada (Yaponiya) o‘tayotgan 2026 yildgi yozgi Osiyo o‘yinlari medallar umumiy hisobida Qozog‘istonga juda yaqinlashdi.
O‘zbekiston sportchilari hozirga qadar olti oltin, 12 kumush va sakkiz bronza medalni qo‘lga kiritdi. Jami 26 medal natijasi bilan terma jamoa umumiy reytingda beshinchi o‘rinni egallab turibdi. Qozog‘iston esa to‘rtinchi pog‘onada: mamlakat sportchilari hozircha sakkizta oltin, sakkizta kumush va to‘qqizta bronza, jami 25 medal yutib olgan.
Shu tariqa, O‘zbekiston umumiy medallar soni bo‘yicha Qozog‘istonni ortda qoldirdi. Biroq jadvaldagi o‘rinlar avvalo oltin medallar soniga qarab belgilanganligi uchun, hozircha qo‘shni davlat ikki oltin bilan oldinda bormoqda.
Kechagina O‘zbekiston terma jamoasi hisobida bor-yo‘g‘i o‘nta medal bor edi: bitta oltin, to‘rtta kumush va beshta bronza. O‘shanda jamoa reytingda 14-o‘rinni egallagan. Undan bir kun oldin esa o‘zbekistonliklar olti medal bilan to‘qqizinchi pog‘onada joylashgan edi.
Musobaqaning beshinchi kuni O‘zbekiston sportchilari uchun ayni monadek keldi — terma jamoa bir kunda 16 ta medalni qo‘lga kiritdi. Oltin medal sohiblari quyidagilar: engil atletika vakili Sharifa Davronova, gimnast Utkirbek Juraev, o‘q otish bo‘yicha sportchi Vladimir Svechnikov, kanoe bo‘yicha sportchi Shoxsanam Sherzodova, shuningdek, eshkak eshishda Shaxzod Nurmatov va Sobirjon Safaraliev.
Kumush medal egalari: qilichbozlik bo‘yicha Zaynab Dayibekova, kanoechilar Artur Guliyev va Vladlen Denisov, eshkak eshuvchilar Shaxboz Xolmurzaev, Anna Prakaten, Mexrojbek Mamatqulov, Pavel Sorin, Aydana Smetullaeva, Anna Aksenova, Dilshod Xudoyberdiev, Fazliddin Karimov, Alisher Turdiev, Maksim Golubev, Mariya Sergeeva va Rayhona Sattorova.
Bronza medallarini esa eshkak eshish bo‘yicha Davrjon Davronov, Shaxboz Xolmurzaev, Mexrojbek Mamatqulov, Pavel Sorin, Maksim Golubev va Alisher Turdiev, shuningdek, kanoechilar Arina Tanatmisheva va Ekaterina Shubina qo‘lga kiritdi.