OChL. Ronaldu "Al-Duhayl"ga qarshi o‘yinda maydonga tushadimi?

Xabaringiz bor, "An-Nasr" OChL 4-turida "Al-Duhayl"ga qarshi maydonga tushadi. Mazkur uchrashuvda Krishtianu Ronaldu qatnashmasligi ma’lum bo‘ldi. Buni klub bosh murabbiyi Luish Kashtru ham tasdiqladi. 

"Tushunaman, hamma Ronalduni o‘yinini tomosha qilishni istaydi, lekin u dam olishi kerak. Krishtianu bugun maydonga tushmaydi", - dedi portugaliyalik mutaxassis. 

"An-Nasr" ayni paytda 9 ochko bilan guruhida peshqadam bo‘lib turibdi. Ronaldu esa ushbu chempionatda 3 marta gol urishga muvaffaq bo‘ldi.