Og‘ir atletika. Bugun 3 nafar sportchimiz Osiyo chempionatida supachaga chiqadi

Toshkent og‘ir atletika bo‘yicha o‘smirlar va yoshlar o‘rtasidagi Osiyo chempionatiga mezbonlik qilmoqda.

Bugun 3 nafar sportchimiz medallar uchun kurashga qo‘shiladi. Xususan, 55 kg vazn toifasida Ozoda Hojieva hamda Laylo Polvonnazirova o‘z yurishini boshlaydi. Har ikki vakilimizning chiqishi 13:00 dan so‘ng start oladi.

Shuningdek, kechki dasturda ham o‘zbekistonlik sportchi o‘z omadini sinab ko‘radi. 61 kg vazndagi Diyorbek Ro‘zmetov 18:30 dan boshlanadigan bahslarda ishtirok etadi.

Vakillarimizga omad yor bo‘lishini tilab qolamiz!