Oladiganlar kelaversin! “Real” mashhur yulduziga narx belgiladi

Nufuzli manba – ESPN ma'lumotiga ko‘ra, fransiyalik futbolchi Orelien Tchuameni yozda “Real”ni tark etishi ehtimoli oshib bormoqda.

“Qirolik klubi” tajribali yarim himoyachisini 90 million yevroga sotishga tayyorligini ma'lum qildi. Tchuamenining asosiy xaridori sifatida “Manchester Yunayted” tilga olinmoqda.

Transfermarkt portali ekspertlari Orelienning bozor qiymatini 70 million yevroga baholagan.

2025/26 yilgi mavsumda Tchuameni barcha turnirlarda 49 ta o‘yinda ishtirok etib, o‘z hisobiga ikkitalan gol va assist rasmiylashtirdi. Uning shartnomasi 2028 yilgacha amal qiladi.