Olti yulduz Xolanddan ko‘p maosh oladi, lekin birortasi Evropada emas!

Kuni kecha Erling Xoland “Manchester Siti” bilan to‘qqiz yarim yillik yangi shartnomaga imzo chekkani haqida rasmiy ma’lumot tarqatildi.

Norvegiyalik to‘purar yangi jamoasida haftasiga 500 ming funtdan maosh oladigan bo‘ldi.

Britaniya matbuotining yozishicha, ayni paytda jahon futbolida Xolanddan ko‘p maosh olayotgan olti nafar o‘yinchi bor.

Ular bilan tanishing:

Riyod Mahrez (haftasiga 580 ming funt), Sadio Mane (haftasiga 650 ming funt), Lionel Messi (haftasiga 865 ming funt), Karim Benzema (haftasiga 1,6 million funt), Neymar (haftasiga 2,65 million funt) va Krishtianu Ronaldu (haftasiga 3,2 million funt).

E’tiborli jihati, bu olti nafar futbolchi garchi Evropa futbolida nom qozongan bo‘lsa-da, ayni paytda Osiyo va AQSh ligalarida to‘p tepmoqda.