O'Melli: "Men uni nokaut bilan mag‘lub etaman"

O‘ta engil vazn (61,2 kg) toifasida amaldagi UFC chempioni Shon O'Melli(17-1-1 N/C) Marlon Vera(23-8-1) bilan bo‘lajak revansh jangi haqida gapirdi.

Shonning aytishicha, Marlon uni yana mag‘lub etish uchun yangi narsalarni o‘ylab topishi kerak.

“U yangi narsani o‘ylab topishi kerak bo‘ladi. Aks holda, men uni nokaut qilaman. U nima qilishni rejalashtirayotganini bilmayman. Ammo mendan nokautni ko‘rasiz. Men barchangizni o‘z darajam bilan hayratda qoldiraman. Ha, u kuchli va chidamli jangchi. Shuning uchun men ko‘plab zarbalar berishim zarur. Albatta, men bu jangda chiroyli chiqish qilaman va hamma uchun kashfiyot bo‘ladigan yangi darajamni ko‘rsataman”, - dedi chempion.

Eslatib o‘tamiz, O'Mellining Vera bilan revansh jangi 9 mart kuni "UFC 299" doirasida bo‘lib o‘tadi.