O‘rtoqlik o‘yini. Bizga tanish Skamakkaning goli evaziga "Vest Xem" "Tottenxem"ni mag‘lub etdi!

Avstraliyadagi yig‘in doirasida Angliyaning "Vest Xem" va "Tottenxem" jamoalari o‘rtoqlik o‘yinida o‘zaro kuch sinashdi. Unda "bolg‘achilar"ning qo‘li baland keldi - 3:2. 

"Vest Xem" safida gollarga Ingz, Mubama va Skamakka mualliflik qildi. "Tottenxem" tarkibida Lo Chelso va Udoge o‘z nomini tabloga yozdirib qo‘ydi. 

Qayd etish lozim, bellashuv 2:2 hisobida davom etayotgan bir vaqtda Janluka Skamakka birga-bir vaziyatga chiqib bordi va vaziyatdan unumli foydalanib, hisobni yakuniy 3:2 ko‘rinishiga keltirib qo‘ydi. Mazkur futbolchi o‘z vaqtida Eldor Shomurodov bilan birga "Jenoa"da to‘p tepgan.