Ot sporti. Federatsiya raisi Moskvadagi xalqaro turnirda shohsupaga ko‘tarildi

Moskvada ot sportining konkur yo‘nalishi bo‘yicha xalqaro musobaqa bo‘lib o‘tdi. Bu haqda MOQ matbuot xizmati xabar tarqatmoqda.

Unda O‘zbekiston yilqichilik va ot sporti federatsiyasi raisi Bahromjon Gaziev namuna ko‘rsatib, 2 bor shohsupaga ko‘tarildi. “Ledi” laqabli otda qatnashgan B.Gaziev 130 sm balandlikda o‘tgan “Jump&Drive” dasturida kumush, 110 sm balandlikdagi to‘siqlardan iborat bahslarda esa oltin medalni qo‘lga kiritdi.

Terma jamoamizning tajribali vakillaridan yana biri Nurjan Tuyakbaev (“Lanselota”) ham Gran-pri yo‘nalishida (150 sm) bosh sovringa ega chiqdi.