O‘zbekiston milliy terma jamoasi yig‘inga kirishdi (Fotoreportaj)

Eron va BAAga qarshi o‘rtoqlik uchrashuvlari oldidan O‘zbekiston milliy terma jamoasining oktyabr oyidagi o‘quv-mashg‘ulot yig‘iniga start berildi. Bu haqda O‘FA matbuot xizmati xabar berdi.

Chaqiruv olgan bir necha nafar futbolchi bugun MTJ ixtiyoriga kelib qo‘shildi. Kun avvalida, ular koronavirusga qon tahlili topshirdi. Tahlil natijalarga ko‘ra, hech bir futbolchida koronavirus infektsiyasi aniqlanmadi.

Shundan so‘ng, Vadim Abramov boshchiligidagi jamoamiz "Bunyodkor" akademiyasi maydonida mashg‘ulot o‘tkazdi.

Rejaga ko‘ra, MTJ vakillari kelasi hafta avvalidan to‘liq tarkibda mashg‘ulotlarni davom ettiradi.