O‘zbekistonlik yakkakurash ustasi Dubayda braziliyalik jiddiy raqibga qarshi jang qiladi

20 noyabr kuni Dubay shahrida professional kikboksing bo‘yicha ya’ni, “K-1 Combat” turniri o‘tkazilishi va unda besh nafar yurtdoshimiz ishtirok etishi borasida xabar bergan edik. Ulardan biri Mansurbek Tolipov ham uzoq yillardan buyon muaytay, kikboksing bo‘yicha o‘z janglarini o‘tkazib keladi. Faoliyati mobaynida ko‘plab muvaffaqiyatlarga erishgan.

Aynan, ushbu yurtdoshimiz ham o‘sha kuni ringga ko‘tariladi. 81 kg vazn toifasida jang qiladigan Mansurbekka braziliyalik Karlos Prates raqiblik qiladi.

Ma’lumot uchun, Mansurbek Tolipov  Sharqiy Osiyo mamlakatlarida K-1, professional muaytay yo‘nalishlarida o‘tkaziladigan, “Max Muay Thai “, “Mx Muay Extram”,”Super Champ”, “Mas Fight” turnirlarida chempionlikni qo‘lga kiritgan.