Paralimpiya. Dilafruz Ahmadxonova jahon chempionatining kumush medalini qo‘lga kiritdi!

Para engil atletika bo‘yicha Kobe shahrida davom etayotgan jahon chempionatining navbatdagi kungi bahslari boshlandi.

Biz uchun ahamiyatlisi, ayollar o‘rtasida F35 klassida yadro uloqtirish dasturida startga chiqqan hamyurtimiz Dilafruz Ahmadxonova 8.95 metr natija bilan ikkinchi o‘rinni egalladi va kumush medalga sazovor bo‘ldi.

Dilafruz Ahmadxonova 2023 yil Parijda bo‘lib o‘tgan jahon chempionatida 8 metr 84 sm natija bilan bronza medal hamda Parij-2024 yozgi Paralimpiya o‘yinlariga to‘g‘ridan-to‘g‘ri litsenziyani qo‘lga kiritgan edi.