Professional boks WBA reytingi yangilandi. Ko‘tarilish bor...

Professional boks tayanch tashkilotlaridan biri bo‘lgan Butunjahon boks assotsiatsiyasi (WBA) may oyi yakuniga ko‘ra yangilangan reytingini e’lon qildi. Unda o‘zbek bokschilari quyidagi o‘rinlarda qayd etilgan:

Super yarim o‘rta vaznda (69,8 kg): Isroil Madrimov 1-o‘rin,

Super engil vazn (63,5 kg): Shahram G‘iyosov 7-o‘rin, Shohjahon Ergashev o‘tgan oydagi 13-o‘rindan 12-o‘ringa ko‘tarildi, shuningdek, O‘zbekiston nomi bilan qayd etilgan Botir Ahmedov ham 6-o‘rinni egallab turibdi,

Yarim engil vazn (57,1 kg): Otabek Xolmatov 2-o‘rin,

Birinchi yarim engil vazn (55,3 kg): Murodjon Ahmadaliev jahon chempioni sifatida reyting yuqorisida,

Minimum vazn (47,6 kg) qayd etilgan Hasanboy Do‘smatov 3-o‘rinda o‘zgarishsiz qoldi.