"Qaynoq" hafta! Yana bir mashhur murabbiy sobiq jamoasiga qaytishi mumkin

"Tottenxem" sobiq murabbiyi Maurisio Pochettinoni qaytarmoqchi. Bu haqda "The Athletic" nashri xabar bermoqda. 

Manbaning ma’lum qilishicha, ayni damda PSJda ishlayotgan argentinalik mutaxassis London klubiga qaytishga qarshi emas. Pochettinoning parijliklar bilan yana bir yillik shartnomasi mavjud. 

Pochettino qo‘l ostida PSJ Frantsiya kubogi va Superkubogini qo‘lga kiritishga ulgurdi. 

Avvalroq, matbuotda parjliklarni "Real" bosh murabbiyi Zinedin Zidan boshqarishi haqida xabarlar tarqalgandi. Bir necha soatlar avval frantsiyalik murabbiy rasman ist’efoga chiqarildi.