"Qayrat" sardori Chempionlar Ligasida qaysi top klublar bilan o‘ynashni xohlashini aytdi

"Qayrat" sardori Aleksandr Martinovich Chempionlar Ligasi-2025/2026 mavsumining umumiy bosqichi doirasida top-klublardan kimlar bilan o‘ynashni istashi haqida fikr bildirdi.

- Chempionlar ligasining yangi formati bo‘yicha "Qayrat" o‘z maydonida Evropaning top-klubi bilan o‘ynashi aniq. Olmaotada kimlarni ko‘rishni istardingiz?

- Men "Real" yoki PSJni xohlardim. "Real" - men muxlislik qiladigan va kuzatadigan jamoa. PSJ esa hozirda dunyoning eng yaxshi klubi. Shu bilan birga Motyani (Matvey Safonov) ham ko‘rardim, - dedi belarusiyalik himoyachi.

Eslatib o‘tamiz, savatchalar qur’asi bugun, 28 avgust kuni bo‘lib o‘tadi. Marosim Toshkent vaqti bilan soat 21:00 da boshlanadi. Chempionlar Ligasining amaldagi g‘olibi Frantsiyaning "Parij Sen-Jermen" jamoasi hisoblanadi.