"Qozog‘iston Respublikasi kubogi – 2025” xalqaro turniri yakunlandi, Afruza Hamdamova 3-o‘rinni qo‘lga kiritdi
Ushbu musobaqa Afruza Hamdamovaning xalqaro turnirlardagi barqaror ishtirokini va yuqori sport natijalarini yana bir bor tasdiqladi!
Joriy yilning, 2–12 dekabr kunlari Qozog‘iston Respublikasining Olmaota shahrida erkaklar va ayollar o‘rtasida shaxmat bo‘yicha “Qozog‘iston Respublikasi kubogi – 2025” xalqaro musobaqasi bo‘lib o‘tdi.
Musobaqada 8 ta davlatdan 24 nafar shaxmatchi qatnashdi. Turnir ayollar va erkaklar guruhida, standart yo‘nalishda 11 turda o‘tkazildi.
Ayollar guruhida O‘zbekiston vakili, ayollar xalqaro grossmeysteri Afruza Hamdamova (2403) ishtirok etdi. Yakuniy natijalarga ko‘ra, u 7,5 ochko jamg‘arib, 3-o‘rinni egalladi.
Izohlar (0)