Rasman! Polsha saralashning final bosqichida, Rossiya esa JCh-2022da ishtirok etmaydi
Polsha terma jamoasi FIFA qarori bilan 2022 yilgi Jahon chempioanti saralashining final bosqichiga yo‘l oldi.
Xalqaro futbol federatsiyasi tashkiliy qo‘mitasi Rossiya terma jamoasini FIFA tasnifiga kiruvchi musobaqalardan chetlatgani munosabati bilan polyaklarga saralashning ilk o‘yinida avtomatik tarzda g‘alaba yoziladi.
Shu tariqa, Polsha Shvetsiya va Chexiya juftligi g‘olibi bilan pley-offning final bosqichida ro‘baro‘ keladi.
Qayd etish lozim, Rossiya hamda Polsha uchrashuvi shu yilning 29 martida o‘tkazilishi kerak edi.
Fikrlar