Rasman! "Yuventus" braziliyalik hujumchi bilan shartnoma imzoladi

Braziliyalik hujumchi Kayo Jorje "Yuventus" futbolchisiga aylandi. Bu haqda klub rasmiy sayti e’lon qildi.

Yuqoridagi manbaga ko‘ra, 19 yoshli futbolchi “keksa sinora” bilan 2026 yilga qadar shartnoma imzolagan.

Ma’lumot uchun, Jorjening so‘nggi jamoasi Braziliyaning "Santos" klubi bo‘lgan.

Jorje o‘tgan mavsum 27 ta o‘yinda maydonga tushdi. U ushbu uchrashuvlarda o‘z hisobiga 8 ta gol hamda 3 ta golli uzatma yozdirib qo‘ydi.