“Real” va PSJ superfutbolchilarni almashtiradi

“Real” va “Pari Sen-Jermen” yozgi transferlar vaqtida o‘zaro futbolchi almashtirmoqchi.

Madridliklar Serxio Ramosni yangi shartnomaga ko‘ndira olmadi. Shu bois ular o‘z sardori Parijga jo‘natmoqchi.

Ramosning o‘rniga Zidan PSJ sardori Markinosni olmoqchi. “Real” bosh murabbiyi himoya chizig‘ini kuchaytirish uchun “Bavariya”ni tark etib, Madridga kelishga rozilik bergan David Alaba va Markinosni birga o‘ynatmoqchi.

Bu rokirovka uchun “Qirollik klubi” ma’lum miqdorda pul ham to‘lashi kerak bo‘ladi. Chunki 35 yoshli Serxio Ramosning transferi  14 million evroga baholangan. 26 yoshli Markinos esa undan ancha qimmat – 70 million evro turadi.