"Real" yarim himoyachisi APL grandlari o‘rtasida talash bo‘lyapti

Madridning "Real" klubi yarim himoyachisi Dani Sebalos Angliya chempionatiga qaytishi mumkin. 

"Todofichajes" nashri xabariga ko‘ra, ispaniyalik futbolchining xizmatlariga Premer-liganing bir necha jamoalari qiziqish bildirmoqda. "Arsenal", "Everton", "Vest Xem", "Nyukasl" va "Aston Villa" 27 yoshli xavbekni sotib olmoqchi. "Aston Villa"ustozi Unai Emeri Sebalosning transferiga shaxsan qiziqish bildirmoqda.

"Transfermarkt" portali Danining narxini 12 million evroga baholamoqda. Uning "qirollik klubi" bilan amaldagi shartnomasi 2027 yilning yozida yakuniga etadi.