“Roma”: Shomurodov bo‘yicha yangi variant!

  • 13 iyun, 2024, 21:11
  • Zohir Toshxo’jayev
  • 2
  • Futbol
TIGGO 2 PRO

O‘zbekiston milliy terma jamoasining eng zo‘r to‘purari va sardori Eldor Shomurodov oldida kelasi mavsum uchun jamoa topish vazifasi ko‘ndalang bo‘lib turibdi.

O‘zbek futbolchisini bir mavsum ijarada o‘ynatgan “Kalyari” rahbariyati legionerimizni to‘liq transfer qilish uchun “Roma”ni 9 million evrolik badal pulidan chegirma qilishga ko‘ndira olmadi.

Eldor Shomurodovning o‘zi ham shartnomasi bo‘yicha Rim klubiga qaytishini aytdi.

Biroq A Seriyani kuzatib borayotgan va tahlil qilayotgan ekspertlar o‘zbek forvardi oldida yangi variantlar paydo bo‘lishini ta’kidlamoqda.

Shomurodovning “Kalyari” bilan ijara shartnomasi rasman 30 iyun kuni yakunlanadi.

Manbalardan biri – tuttomercatoweb.com  saytining yozishicha, 28 yoshli hujumchi iyul oyida “Roma”ga qaytib boradi. Rimliklar bosh murabbiyi Daniele de Rossi hali Shomurodovni shaxsan ko‘rikdan o‘tkazmagan.

Nufuzli nashr – Corriere dello Sport gazetasi eksperti Luka di Leonardo “Roma”da Eldor Shomurodov masalasida yangi variant chiqqani yozmoqda.

Rim klubi bosh murabbiyi Daniele de Rossi “Kalyari”da debyut mavsumini o‘tkazgan eski shogirdi – Matteo Pratini “Roma”ga olib kelmoqchi.  Yakunlangan mavsumda sardiniyaliklar tarkibida 26 ta uchrashuvda bittadan gol va assist qayd etgan markaziy yarim himoyachi ham o‘zi yaxshi bilgan ustozi jamoasiga o‘tish istagini bildirdi.

Matteo Pratti quyi ligada SPAL jamoasi safida aynan Danieele de Rossi qo‘l ostida to‘p tepgan edi.

Prati “Kalyari”ga kelgan paytda uning transfer summasi bir million evroni tashkil qilardi. Transfermarkt portalining iyun oyi uchun yangilagan so‘nggi reytingida uning narxi o‘n baravar oshib, 10 million evroga chiqdi.

“Kalyari” 5 million evroga transfer qilingan futbolchini qo‘yib yuborishga qarshi emas. Faqat sardiniyaliklar poytaxtliklardan shu summaning uch baravarini talab qilyapti.

“Roma” rahbariyati Joze Mourinodan keyin jamoa o‘yinida ijobiy o‘zgarish qila olgan Daniele de Rossini qo‘llab-quvvatlash maqsadida u istagan o‘yinchilarni olib bermoqchi. Corriere dello Sport gazetasi eksperti Luka di Leonardoning ta’kidlashicha, Matteo Prati uchun so‘ralayotgan summani pasaytirish maqsadida rimliklar “Kalyari” rahbariyatiga Eldor Shomurodovni transferga qo‘shishni taklif qilishi kutilyapti.

Italiya va Evropaning bir necha nashrlari – Corriere di Roma, Corriere della Sera, Sky Sports kabi manbalar ham bu ma’lumotlarni tasdiqladi.

Manbalarda keltirilishicha, “Kalyari” va “Roma” transferlar masalasida do‘stona aloqalarga ega. Ekspertlar tomonlar o‘zaro til topishi qiyin kechmasligiga ishonch bildirmoqda.

Shomurodovni olish oson bo‘lmayapti...

Legionerimiz turklarni qanday hayratga soldi?

O‘zbek futbolchisi ham Evropa kuchli ligalarida porlashi mumkin!

Parmalive.com: Fayzullaevga Evropadan qiziqish ortyapti, narxi yana oshadi!

Fayzullaevning narxi keskin ko‘tarildi! Bu xaridorlarga ta’sir qiladimi?

 

Fikrlar

Fikr qoldirish uchun avtorizatsiyadan o'ting!
&
Alishernarzullayev
13/06/2024 09:38
U kuni hambberuvfiku bu maqolani
Ulugbek Ruziqulov
12/06/2024 22:15
50 marta oʻqiymiz endi