Ronaldu: "Fergyuson hamisha mening yuragimda qoladi"

"An-Nasr" klubi forvardi Krishtianu Ronaldu "Manchester Yunayted"da o‘ynagan paytda ustozi bo‘lgan murabbiyi Aleks Fergyuson haqida yuqori fikr bildirdi.

"Manchesterda bo‘lganimda, u bilan ko‘p muloqot qilardim. U uyimga choy ichishga kelardi. Sutli choy ichar edi. U yaxshi inson. Mening yuragimda doimo qoladigan inson, bunga haqli. Hayotim va kareramda menga haqiqatdan ham yordam bergan inson".

U sen uchun ota figurasi bo‘lganmi?

"Futbolda ota? Ha. Menimcha, mening yo‘lboshchim bo‘lgan kishi? Ha, ko‘p jihatdan. U hamisha so‘zlariga mas’ul bo‘lar edi. Va’dalarni bajardi. U yaxshi inson, men uni hurmat qilaman", – dedi Ronaldu Pirs Morgan bilan bo‘lgan intervyusida.