Rosenyor Palmer va Jeymsning holati haqida ma'lumot berdi
"Chelsi" bosh murabbiyi Liam Rosenyor jamoaning ikki yetakchi futbolchisi — Koul Palmer va Ris Jeymsning hozirgi holati haqida fikr bildirdi.
Ikki futbolchi ham "koʻklar"ning soʻnggi ikki oʻyini — Angliya Kubogida "Charlton"ga qarshi bahs (5:1) hamda Liga Kubogida "Arsenal"ga qarshi uchrashuvni (2:3) oʻtkazib yuborgan edi.
— Palmer va Jeyms bugun mashgʻulotda qatnashdi. Endi faqat ularning holatini baholash va barcha zaruriy jarayonlarni oʻtkazishimiz kerak. Ayni paytda ayta olamanki, ikkalasi ham "Brentford"ga qarshi oʻyin uchun tarkibga kiritiladi, — dedi Rosenyor matbuot anjumanida.
"Chelsi" — "Brentford" uchrashuvi shanba kuni, 17 yanvar sanasida boʻlib oʻtadi. oʻyin soat 20:00'da boshlanadi.
Fikrlar