Rossiya Superkubogi: Fayzullaev zaxiradan maydonga tushgan uchrashuvda TsSKA finalda zafar quchdi

Rossiya Superkubogining finalidan o‘rin olgan "Krasnodar" - TsSKA klublari ishtirokidagi bellashuv o‘z nihoyasiga etdi. 
 
Uchrashuvda Moskvaning TsSKA klubi minimal hisobda zafar quchib, Superkubokni boshi uzra ko‘tardi. To‘qnashuvdagi yagona golni esa Igor Diveev 48-daqiqada o‘z hisobida yozdirib qo‘yishga muvaffaq bo‘ldi. 

Shuningdek, o‘yinning 89-daqiqasida "Krasnodar" futbolchisi qizil kartochka bilan jazolanib, maydonni tark etdi.
 
Milliy terma jamoamizning yosh yulduzlaridan biri Abbosbek Fayzullaev esa 80-daqiqada zaxiradan o‘yinga qo‘shildi.