Ro‘ziqul Berdiev "Navbahor"dan uchralgan mag‘lubiyatga qanday izoh berdi?

Superliga 14-turidan o‘rin olgan "Nasaf" - "Navbahor" uchrashuvi bo‘lib o‘tdi. Unda namanganliklar 1:0 hisobida raqibdan ustun keldi. 

"Lochinlar" safida yagona golni Asadbek Sobirjonov kiritdi.

Bellashuvdan so‘ng har ikkala jamoa ishtirokida matbuot anjumani o‘tkazildi. Quyida "ajdarlar" ustozi Ro‘ziqul Berdievning fikrlari bilan tanishib chiqishingiz mumkin: 

- O‘yinni yomon boshladik. Bundan tashqari gol ham o‘tkazib yubordik. Ikkinchi bo‘limda ancha tashabbusga ega bo‘ldik. Hujumda ham himoyada ham ishonchli o‘yin ko‘rsatdik, deya olaman Shunday bo‘lsa-da, bizda aniq gol uradigan vaziyat bo‘lmadi. Sababi, raqib himoyada yaxshi o‘yin ko‘rsatdi. 

- Biz ikkita sxemada ham o‘ynaymiz. 3 ta markaziy himoyachi bilnan o‘ynashimizga to‘g‘ri keldi. Bunga sabab Sherzod Nasrullaevning tarkibimizda yo‘qligi bo‘ldi. 

- Oxirida biz tavakkal qildik, lekin vaziyatlar yaratishda ancha oqsadik. O‘zingiz amalda ko‘rdingiz. Yigitlarga rahmat aytaman. Ular oxirigacha kurashdi. Bularni futbolchilar bilan birga muhokama qilamiz. 

- Hammasi hayajon bilan bog‘liq. Yigitlarning ruhiy tomondan tayyorgarligi oshib ketganligi uchun o‘yinni juda ham asabiy tarzda o‘tkazdik. Jamoamizni bunaqa o‘yinlar uchun tajribasi etishmadi ham, deb o‘ylayman