Ruben Amorim o‘zining sevimli sxemasidan voz kechishi mumkin

"Manchester Yunayted" bosh murabbiyi Ruben Amorim o‘zining sevimli 3-4-3 sxemasidan voz kechishi mumkinligini tan oldi.

"Biz ushbu futbolchilardan yanada ko‘proq sifat chiqarib olish uchun boshqa sxema bo‘yicha ham o‘ynashimiz mumkin. Agar ideal 3-4-3da o‘ynashni istasak, bunga juda ko‘p pul va vaqt sarflash kerak bo‘ladi. Men asta-sekin shuni anglayapmanki, bu amalga oshmaydi. Shu sababli, ehtimol, menga moslashishga to‘g‘ri keladi", — dedi Amorim "Sky Sports" nashriga.

Ayni paytda "Manchester Yunayted" Angliya chempionati turnir jadvalida yettinchi o‘rinni egallab turibdi. Bugun esa jamoa "Nyukasl" bilan kuch sinashadi. Bo‘lajak to‘qnashuv Toshkent vaqti bilan 01:00’da start oladi.