“Santyago Bernabeu” maydoniga chim to‘shaldi (FOTO)

Madriddagi “Santyago Bernabeu” stadioniga maysa yotqizildi. AS nashri tarqatgan xabarga ko‘ra, “Real” o‘zining qadrdon maydonida tezroq to‘p surishi uchun ham shunday qarorga kelingan. Ammo stadionning qolgan qismida ta’mirlash ishlari davom etadi.

Ushbu ta’mirlash ishlaridan so‘ng, kontsertlar va futboldan tashqari boshqa tadbirlar o‘tkazish uchun stadion chimini butunlay berkitish imkoniyati paydo bo‘ladi. Klub kelajakda bundan foyda ko‘rishni ko‘zlamoqda.

“Real” “Santyago Bernabeu”dagi ilk bahsni 30 sentyabr kuni “Vilyadolid”ga qarshi o‘tkazadi.