"Saturn", Samandar Reimbaev va Bobur Abdulazizovga nisbatan intizomiy chora qo‘llanilishi mumkin!

O‘zbekiston professional boks federatsiyasi shartnoma majburiyatlariga rioya etish, sport etikasi va professional sportdagi intizom masalalari yuzasidan rasmiy pozitsiyasini bildiradi.

"Samandar "Tank" Reimbaev, O‘g‘abek "Saturn" Abdumuminov va Bobur Abdulazizovga nisbatan shartnoma majburiyatlarini buzish hamda sport etikasi qoidalariga rioya qilmaslik yuzasidan rasmiy bayonot:

Mazkur sportchilarni musht jangi va professional boks musobaqalarida ishtirok etishdan intizomiy chetlashtirish masalasi ko‘rib chiqilmoqda. Nomad ligasi bilan O‘zbekiston hududida musobaqalar tashkil etish va ularni qo‘llab-quvvatlash bo‘yicha hamkorlikni vaqtincha to‘xtatish imkoniyati ham ko‘rib chiqilmoqda. Federatsiya tegishli materiallarni komponent sport tashkilotlari, tartibga soluvchi organlar va boshqa vakolatli tashkilotlarga huquqiy va intizomiy baholash uchun taqdim etish huquqini o‘zida saqlab qoladi", - deyiladi bayonotda.