Shafqatsiz start! Fozilova va Hamidova raqibalarni ayamadi

Braziliyada davom etayotgan World Boxing kubogi doirasida -48 kg da yurtimiz sharafini himoya qilayotgan Farzona Fozilova ham dastlabki jangini o‘tkazdi. U marokashlik Vissal Fahirga qarshi ringga ko‘tarildi. Butun raundlar mobaynida faol va aniq harakatlari evaziga Fozilova raqibasini 4:1 hisobida mag‘lubiyatga uchratib, keyingi bosqichga yo‘l oldi.

Shuningdek, -65 kg vazn toifasidagi vakilamiz Navbahor Hamidova ham o‘z yurishini boshladi. U ilk bosqichda shvetsariyalik Anna Zhenniga qarshi bahs yuritdi. Kutilganidek Navbahor  4:1 hisobida g‘alaba qozondi va navbatdagi bosqich yo‘llanmasiga ega chiqdi.

Bu haqida O‘zbekiston boks federatsiyasi xabar bermoqda.