Sharhlovchi Moskvaning "Lokomotiv"idan "Tambov"ga o‘tgan Jasur Jaloliddinov haqida gapirdi

Bir necha oy avval, hamyurtimiz Jasur Jaloliddinov "Bunyodkor"dan Moskvaning "Lokomotiv" klubiga ko‘chib o‘tgandi. Ammo yarim himoyachi mamlakatning boshqa jamoasi "Tambov"da ijara asosida to‘p tepadigan bo‘ldi.

Taniqli sharhlovchi Davron Fayziev telegramdagi sahifasida Jasur Jaloliddinovning ijaraga berib yuborilishi xususida fikrlarini bayon etdi.

- "Lokomotiv"da o‘yin amaliyotisiz vaqt o‘tkazishdan ko‘ra, "Tambov" klubida tajribani oshirish varianti, albatta, yaxshiroq. Jasur Jaloliddinovga yangi jamoasida omad tilamoqchiman! 18 yosh bu kareraning boshlanishi va o‘zini ko‘rsatishga vaqt etarli. "Tambov" Jasurga 7-raqamni topshirdi. Buyog‘iga faqat mehnat va o‘ziga ishonch talab etiladi.

Ayni vaqtda "Tambov" klubi Rossiya Premer ligasida 13-o‘rinda bormoqda. Keyingi o‘yinini 18 oktyabr kuni "Rotor"ga qarshi o‘tkazadi, - dedi Davron Fayziev.