Shohsanamxon Toshpo‘latova final yo‘llanmasini qo‘lga kiritdi

Bundan biroz avval para suzishning S13 klassida 200 metr masofaga individual kompleks usulida suzish bo‘yicha saralash bahslari yakunlandi.

Erkaklar o‘rtasida hamyurtimiz Firdavsbek Musabekov startga chiqdi. Afsuski, u 2:18.78 daqiqa natija bilan marraga 5-bo‘lib etib keldi va saralashdan o‘ta olmadi.

Ayollar o‘rtasidagi bahslarda esa ikki nafar hamyurtimiz – Shohsanamxon Toshpo‘latova hamda Nigoraxon Mirzohidova ishtirok etdi. Shohsanamxon 2:30.42 daqiqa vaqt bilan marraga birinchi bo‘lib etib kelgan bo‘lsa, Nigoraxon 2:40.44 daqiqa vaqt bilan 5-o‘rinda keldi. Final bahslariga faqatgina Toshpo‘latova yo‘l oldi.

Ayollar o‘rtasida S13 klassida 200 metr masofaga individual kompleks usulida suzish bo‘yicha final bahsi bugun Toshkent vaqti bilan soat 15:42 da boshlanadi.